ٹیوشن چھُوٹی تو آج عرصے بعد ڈھلتی دوپہر میں کھلا آسمان دیکھنے کو ملا....
یار اچھی چیزیں ہیں یہ بھی....
نیلا...سیاہی مائل نیلا....ہلکا نیلا...اور کہیں کہیں سے سفید....اور وُسعت.....جہاں تک نظر کی حد ہے دیکھتے چلے جائیں....
کہیں کہیں ٹکڑیوں میں سفید دھنکی ہوئی روئی جیسے بادل... ❤
سورج...روشن...چمکدار.... سردیوں کی بھلی دھوپ جو ماں کے لمس کی طرح نرم اور شفیق اور تھپکی دینے والی ہوتی ہے...💖
پنکھ کھولے اُڑتے پرندے...کہیں ٹکڑیوں میں کہیں ایک دو....بے فکر....بے نیاز....💕
سامنے مسجد کے مینار کے پیچھے سے جھانکتے پیڑوں میں سے ایک کم پتوں اور زیادہ شاخوں والا پیڑ....جس کی شاخیں خالی ہونے کے باوجود قدرت کا حسین آرٹ ورک لگ رہی ہیں...💗
بیک گراونڈ میں کہیں دور سے آتی ہوئی اذان کی دھیمی آواز.....💞
اور حتّیٰ کہ گلی کے آخر تک جانے والی اونچی نیچی چھتوں سے جڑی چھتیں بھی.....(کبھی کسی زمانے میں نانا جان کے گھر سے چھتیں پھلانگتے ہوئے گلی کے آخر تک کھیتوں کی طرف چلے جایا کرتے تھے....تب اظہر فراغ کی زبان میں...
دیواریں چھوٹی ہوتی تھیں لیکن پردہ ہوتا تھا)
بہت خوبصورت ہے یار یہ سب بھی...بند اے-سی والے سجے سجائے اور ہر سہولت سے آراستہ کمروں سے بھی زیادہ شاید....
اور سکرین کی دنیا سے باہر!
شام ڈھلتی تھی تو تایا جان کی چھت پہ روزانہ بلاناغہ نیلی پری پیلی پری، برف پانی، سٹاپو، کوکلا چھپاکی، مہمان مہمان، اور گڑیا کی شادی جیسے ڈھیروں کھیل کھیلتے تھے.....
آوٹ ڈور گیمز.....
ان ڈور گیمز سے زیادہ اچھے ہیں یار!!
قدرتی مناظر مصنوعی سے زیادہ خوبصورت ہیں....
کبھی کبھی سکرین کی دنیا...بند فرنشڈ کمروں...اور "سوفیسٹیکیٹڈ" (پیچیدہ) زندگی سے نکل کر باہر جھانکیں...اچھا لگے گا! 💝
سیماب عارف
ایڈیٹر ای-میگزین اور رہبر پازیٹو پاکستان
No comments:
Post a Comment