دوستوں کا گروپ بیھٹا گپ شپ کر رہا تھا کب سے یوں ہی ادھر اُدھر کی باتیں چھڑی ہوئی تھیں، اب تو سب باتیں کر کر کے تھک سے بھی گئے تھے اتنے میں ایک بولی چلو بہت ہو گئی باتیں اب کچھ نیا کرتے ہی.... سب پوچھنے لگیں.. ہاں بتاؤ کیا کیا؟ وہ ایک بولی اب ہم گانے لگا کے سنتے اور انجوائے کرتے ہیں سب اس آئیڈیا پر خوش ہو گئیں.. مگر وہاں پر ہی حاعفہ بھی بیھٹی تھی جو اس فیصلہ سے کچھ خائف سی ہو گئی کہنے لگی آپ لوگ آئیڈیا بدل لو مجھے گانے سننا نہیں پسند۔
سب بہت حیران ہو کے دیکھنے لگیں اس میں کیا ہے یار کچھ نہیں ہوتا ہم تو سنیں گے... حاعفہ نے بات بنتی نہ دیکھی تو وہاں سے اٹھ کر چل پڑی کہ میں مزید آپ لوگوں کے ساتھ محفل میں شریک نہیں ہو سکتی... سب اس کو عجیب عجیب نظروں سے دیکھنے لگیں اور پھر اپنی ہی مستی میں مصروف ہو گئیں...
کچھ دن بعد پھر دوستوں کا تفریح کے لئے فنکشن میں جانے کا پروگرام بن گیا جہاں پر ناچ گانے وغیرہ کا انتظام کیا گیا تھا اب سب جو جا رہی تھیں تو حاعفہ بھی انکے گروپ کا حصہ ہے.. اسے بھی سب کہنے لگیں چلو ہمارے ساتھ مگر وہ انکار کیے گئی.. نہیں میں نہیں جا سکتی وہاں گانوں کی محفل ہو گی اور مجھے گانے سننا نہیں پسند سب دوستوں کو غصہ آ گیا کہ کم از کم ہماری خاطر ہی ساتھ آ جاؤ...
حاعفہ بولی اگر ایسا ہی ہے تو آپ لوگ بھی میری خاطر ہی مت جاؤ اس محفل میں، مگر وہ تو ارادہ باندھ چکی تھیں کہاں رکنے والی تھیں اور حاعفہ کو اکیلا چھوڑ کر چلی گئیں...

رات کو واپسی پر سب حاعفہ سے سخت ناراض تھیں کہ وہ ان کے ساتھ کیوں نہیں گئی۔ سب ایک ایک کر کے اپنے کمروں میں چلی گئیں مگر حیا وہیں رک گئی.. حاعفہ کے پاس....

حیا پوچھنے لگی حاعفہ کیوں کرتی ہو ایسا.. دیکھو سب کو ناراض کر دیا، تم کیوں نہیں ہمارے ساتھ چلتی ہو.. تمہیں گانوں سے کیا مسئلہ اس میں برائی ہی کیا ہے آخر؟

حاعفہ: دیکھو حیا میں پہلے ہی بتا چکی ہوں کہ گناہ ہوتا گانے سننے سے اس لیے میں نہیں سن سکتی

حیا: کیا گناہ ہوتا ہے؟

حاعفہ: میں تمہیں آج کچھ وجوہات بتاتی ہوں، جنکی وجہ سے میں گانے سننا نہیں پسند کرتی..

میں گانے اس لئے نہیں سنتی کیونکہ میرے اللّٰہ کو نہیں پسند ایسی موسیقی سننا جو آپ کو مدہوش کر دے یا نشہ سا ڈال دے اور گانے سنتے ہوئے ہماری کیفیت ایسے ہی ہو جاتی نا؟

حیا: (ہاں میں سر ہلایا)

حاعفہ: تو مجھے گانے سننا اس لئے نہیں پسند کہ جو چیز میرے اللہ کو نہیں پسند میں وہ کیسے کر سکتی پسند؟

مجھے گانے سننا اس لئے بھی نہیں پسند کیوں کہ مجھے تلاوت اور نعت سننا پسند ہے.. تو دیکھو نا میں اپنے کانوں کو کیسے گوارا ہونے دیتی کہ وہ ایک بار اللہ کا پسندیدہ کلام سنیں قرآن اور پھر ان ہی کانوں میں موسیقی کی آواز بھی جائے!!!

نہیں مجھے اپنے کانوں کے ساتھ بھی یہ ظلم نہیں پسند میں انکو ایک ہی جگہ پابند رکھنا چاہتی تاکہ روز قیامت میری گواہی دے سکیں...

اور پتا تمہیں پتا سب سے بڑی وجہ کیا ہے نہ سننے کی؟

حیا: کیا؟

حاعفہ: روز قیامت حساب کتاب کے بعد میرا اللّٰہ اور بنی پاک صلی اللہ علیہ والہ وسلم اپنی آواز میں گانا سنائیں گے اور اتنی خوبصورت آواز ہو گی کہ ہر سننے والا اس میں مدہوش ہو جائے گا... مگر ان گانوں کی آواز ان کانوں میں نہ جا پائے گی جو دنیا میں گانے سنتے تھے اور ان لوگوں کے کانوں میں سیسا پگھلا کر ڈال دیا جائے گا..

لیکن مجھے اللّٰہ کی آواز میں سننے کا بہت شوق ہے نا اس لئے بھی میں اپنے کانوں کو دنیاوی گانوں سے محفوظ رکھنا چاہتی ہوں...

میں اللّٰہ اور اسکے رسول صلی اللہ علیہ والہ وسلم کی آواز میں سننے کے لئے بے تاب ہوں....

بس یہی کچھ وجوہات ہیں حیا جو مجھے روکے ہوئے ہیں اسی لئے تم سب کو بھی ناراض کر دیتی ہوں لیکن میں یہ چاہتی ہوں آپ لوگ مجھ سے ناراض ہونے کے بجائے میرا ساتھ دو... دیکھو قرآن کریم سننے میں بہت لطف ہے جب دل کرے تو قرآن سن لیا کرو..

حیا: حاعفہ تم نے تو سچ میں میرے دل کی بند کھڑکی کھول دی مجھے نہیں معلوم تھا پہلے انشاءاللہ اب میں بھی نہیں سنوں گی اور سب کو بھی ہم دونوں منع کریں گے..

حاعفہ: ماشااللہ.. یہ ہوئی نا بات چلو اب سو جاتے ہیں پھر صبح جاگ کے ان سب کو بھی راضی کرنا ہے۔

حیا: ہاں چلو ٹھیک ہے.. اللّٰہ حافظ شب بخیر..

حاعفہ اب پُر سکون ہو گئی تھی اسکی ایک دوست تو اس کا ساتھ دینے پر راضی ہوئی امید ہے باقی بھی اب مان لیں گی انشاءاللہ...

ظلِ ہما

کیپٹن سائبریگیڈ سکواڈ پازیٹو پاکستان