شکریہ کشمیر! تم نے ہمیں چھٹی کا ایک اور دن عنایت کیا....
روزمرہ کی روٹین سے ہم تنگ آچکے تھے....آج سیر و تفریح کے لیے مووی دیکھنے جانے کا پلان تھا مگر یہ ریلیاں.....
پاگل لوگ...خوامخواہ سڑکوں پہ وقت ضائع کررہے ہیں...پرائے مسئلے میں ٹانگ اڑانے کا کیا فائدہ....
لو دیکھو....یہ کسی جگہ سیمینار بھی ہے کشمیر سے اظہارِ یکجہتی کا....یہ چند سرپھرے جو ابھی بھی کشمیر کے پروگرام کرتے پھررہے ہیں...
ان بےوقوفوں کی وجہ سے اب تک ہمارے بچوں کو کشمیر کا نام یاد ہے....
مگر سنو کشمیر! تم ان کی باتوں کو سیرئیس مت لینا...یہ بھلا کر ہی کیا سکتے ہیں...میں حقیقت پسند ہوں..تمہیں بتادوں کہ 5 فروری تو ریلیکسیشن کا اور نئی موویز دیکھنے کا دن ہوتا ہے....مگر یہ کم بخت کچھ لوگ ابھی بھی اس ضد پہ اڑے ہیں کہ تمہاری آزادی کی بات کریں گے....
بول کے لکھ کے... اور تو اور سٹیٹس لگا کے تمہارا ذکر چھیڑ دیتے ہیں تاکہ مسلمانوں کو یاد رہے کشمیر اپنی آزادی کی جنگ لڑرہا ہے اور کشمیر میں مسلمان رہتے ہیں...ہمارے جسم کا حصہ...
اب انہیں بھلا کون سمجھائے!!
(نوٹ: غور ضرور کیجیے گا کہ آپ کو کشمیر یاد ہے یا نہیں)
سیماب عارف
ایڈیٹر ای-میگزین اور رہبر پازیٹو پاکستان
No comments:
Post a Comment