20 اکتوبر بروز ہفتہ پازیٹو پاکستان اور PILAC کے باہمی اشتراک سے ڈاکٹر خورشید رضوی کے علمی اور ادبی کارناموں کے بارے میں ڈاکٹر زاہد منیر کی مرتب کردہ کتاب "ارمغان خورشید" کی تعارفی تقریب منعقد کی گئی. اس کتاب میں اردو اور عربی شاعری بھی شامل کی گئی ہے. اس پوری کتاب کی تحریر کے دوران خورشید صاحب لاعلم رہے اور یہ ان کے لئے بہترین تحفہ ثابت ہوئی.
اس پروگرام کی کمپررنگ ڈاکٹر فرحی امین، زید حسین اور واعظہ رفیق نے کی.
اللہ کے پاک نام سے تقریب کا باقاعدہ آغاز کیا گیا. اس موقع پر علم و ادب کی دنیا کی معروف شخصیات نے اظہار خیال کیا جس میں مجیب الرحمن شامی، ڈاکٹر صغرا صدف، سہیل وڑائچ, متحرمہ در نجف زیبی، فرید پراچہ، عابد اقبال کھاری، نذیر احمد، ڈاکٹر حسین احمد پراچہ شامل ہیں. یہ تقریب منفرد اس لئے تھی کہ اس میں صرف ادبی شخصیات نے ہی نہیں بلکہ لاہور کے مختلف تعلیمی اداروں کے نوجوان طلبا اور اصلاحی تنظیموں کے محرک نوجوانوں نے بھی بھرپور شرکت کی.
تقریب کے دوران پازیٹو پاکستان کی سوشل میڈیا ٹیم نےکامیاب Twitter ٹرینڈ #ShaamEKhursheed بھی کیا. جس کو پازیٹو پاکستان کے بانی عابد اقبال کھاری صاحب نے بہت سراہا.
تمام مقررین نے خورشید صاحب کو خراج تحسین پیش کرتے ہوئے کہا کی سر بہت شفیق استاد ہیں اور علم کا دریا ہیں.
تقریب کے اختتام پر خورشید صاحب نے کہا کہ اس ملک کو اچھے اساتذہ کی ضرورت ہے اور نوجوان نسل کے ساتھ اچھے تعلقات کی ضرورت ہیں.
"ڈاکٹر خورشید ایک شخضیت کا ہی نہیں بلکہ علم و ادب کا ایک ادارہ ہے اور ہر چھوٹا بڑا ان سے فیض یاب ہوتا ہے."
سعدیہ خالد
میڈیا ہیڈ لاہور، پازیٹو پاکستان
No comments:
Post a Comment