ایک مضبوط اور کامیاب عورت کے پیچھے بہت سارے ٹوٹے ارمان، آنسو، شک و شبہات، طعنے اور نکتہ چینی ہوتی ہے۔ دنیا والے یہ ثابت کرنے کی کوشش کرتے ہیں کہ...
تم کمزور ہو اور تم یہ نہیں کر سکتی۔ خاندان کی عزت کا خیال کر لو۔ تمہاری شادی کیسے ہو گی۔ ہم تمہارے جہیز کے پیسے پڑھائی پر لگا رہے ہیں... نوکری کر کے کیوں ہماری عزت کا جنازہ نکالنا ہے... بھائی یا باپ مر گیا جو تم کماؤ گی۔ کوئی عورت کیسے کاروبار کر سکتی ہے... تم اکیلے سفر نہیں کر سکتی... بیرون ملک پڑھنے سے تمہارے کردار اور اقدار پر اثر پڑے گا...
اپنی مرضی سے شادی!! اس سے شرم ناک بات کیا ہو سکتی ہے... جانتی ہو لڑکیوں کے پاس اتنا دماغ نہیں ہوتا کہ وہ رائے دے سکیں... تمہاری جرات کیسے ہوئی کوئی فیصلہ لینے کی... شادی کے بعد اپنے ارمان پورے کرنا... سسرال ہی تمہارا اصل گھر ہے...!!
اور سب سے بڑھ کر "لوگ کیا کہیں گے؟"
ایسی باتیں ایک خود مختار لڑکی کی حوصلہ شکنی نہیں کر سکتیں۔ وہ جانتی ہے کی دنیا کی جنگ کیسے لڑنی بے۔ اسے اپنی پوشیدہ صلاحیتوں پر پورا یقین ہوتا ہے۔ وہ خود کو ہارنے نہیں دیتی۔ ایسی عورتیں ہی قوم کی تقدیر سنوارتی ہیں۔ آج عورتوں کے عالمی دن پر میرا ایسی ہر عورت کو سلام....
اقبال نے کہا تھا...
وجودِ زن سے ہے تصویرِ کائنات میں رنگ،
اسی کے ساز سے ہے زندگی کا سوزِدروں
سعدیہ خالد
ایمبیسیڈر پازیٹو پاکستان
