پازیٹو پاکستان جھنگ چیپٹر

جہان تازہ کی افکار تازہ سے ہے نمود

کہ سنگ و خشت سے ہوتے نہیں جہاں پیدا

پازیٹو پاکستان جو ایک رضاکارانہ اصلاحی تنظیم ہے جو معاشر ے میں مثبت فکرو عمل کے فروغ،شعور کی بیداری، اعلیٰ اقدار کے احیاء اور نظریہ پاکستان کے پر چار کے لیے کوشاں ہے۔ یہ ایک ایسی تنظیم ہے جو غیر سیاسی، غیر مذہبی اور غیر منافع بخش ہے۔ پاکستان کے صوبہ پنجاب کہ ایک قدیمی ضلع میں اپنی ٹیم بنانے کے لیے رجسٹریشن کا آغاز کیا ۔اور یہ ضلع کوئی اور نہیں بلکہ یہ وہ جگہ ہے جہاں سلطان باہوؒ کے ہُو کی گونج بلند ہوئی، جنہوں نے آج سے سینکڑوں سال پہلے 140تصانیف مرتب کیں۔ یہ وہ سرزمین ہے جہاں ہیر رانجھا اور مرزا صاحبہ کی رُومانوی داستانیں رقم ہوئی۔ جہاں ٹاٹ کے سکولوں میں پڑھنے والے ڈاکٹر عبدالسلام بابائے فزکس کہلائے، جنہیں دنیا کی معروف 32 یونیورسٹیوں نے ڈاکٹر آف سائنس کی اعزازی ڈگری دی۔ 8809مربع کلومیٹر کے رقبہ کے حامل ضلع جھنگ کی مٹی کے ذرے نایاب گوہر ہیں۔ میدانِ ثقافت ہو یا سیاست، علم و ادب ہو یا سائنس و ٹیکنالوجی اور جہاں کی شاعری لوک ادب، زبان و ثقافت، مٹھاس میں اپنی مثال آپ ہے۔

ذرا نم ہو تو یہ مٹی بڑی زرخیز ہے
ضلع جھنگ کے باسیوں پازٹیو پاکستان کی ٹیم کاحصہ بنیے، اپنے خطے اور قوم و ملک میں مثبت سوچ کو فروغ دینے کے لیے۔ اور جھنگ کو مثبت تبدیلی کی راہ پہ گامزن کرنے کے لیے ہمارا ساتھ دیں۔

کشور پروین

سفر نامہ: الوندی 4 - قسط نمبر 6

قسط نمبر 6

پهاڑی بکریوں کا ریوڑ چراتا هوا بچه آسانی سے قلانچیں بھر رها تھا جیسے هم میدانوں میں گاڑیاں دوڑاتے هیں. پر هم جیسوں کے لئےبلندی جتنی قریب آتی جا رهی تھی، حوصلے اتنا هی ناراض هونے لگے تھے مگر هم نے وهاں موجود ٹاپ و ٹاپ بھاگتے گھوڑوں سے کچھ همت پکڑی اور دوباره چلنے لگے. اور یوں هی هڈیاں چٹخاتے واپس آگئے. 

واپسی پر ناشته دیکھ کر کچھ اوسان بحال هوئے مگر یه کیا؟ برف باری نے اپنا ایک چھوٹا سا نشان هماری چائے میں چھوڑ دیا تھا اور یوں هم نے 13000 فٹ کی بلندی پر ٹی کے بجائے آئس ٹی سے ناشته کیا. 

اس کے بعد سیشنز کا آغاز هوا جن کے اختتام پر همارے بچھڑے هوئے موبائل همیں واپس کر دئیے گئے. دوپهر کے کھانے میں سب سے عجیب چیز یه تھی که ایک عدد کیمره حد سے زیاده کھلے هوئے منه کی تلاش میں گھوم پھر رها تھا. بعد ازاں اُس کیمرے کے پیچھے سے ایک عدد چھوٹو کو برآمد کر لیا گیا. اس کے بعد پورا دن اسی احساس میں شام هو گئی که "خبر دار !! کیمرے کی آنکھ آپ کو دیکھ رهی هے."

(جاری هے.)

رابعه لطیف
(مشن ہولڈر پازیٹو پاکستان فیصل آباد)
https://www.facebook.com/events/2160008324228814/

سفر نامہ: الوندی4 - قسط نمبر 1

قسط نمبر 1
کچھ دنوں سے جب بھی وٹس ایپ چلاتے تو ولید بھائی یا چھوٹُو میں سے کسی ایک کا الوندی کے لئے میسج آیا ہوتا. گھنٹوں تصویر کو دیکھ دیکھ کے آل اِز ویل کا ورد کرتے رہے. مگر اندرونِ دل ہولتا رہا کہ کب کلاسز شروع هوں، هم فیصل آباد آئیں اور ایک سال سے پازیٹو پاکستان کے ساتھ التوا میں پڑے رشتے کو اس ٹُور سے دوباره استوار کیا جائے. 

بھلا هو جامعه زرعیه کا که روانگی سے تین دن قبل کلاسز شروع کر دیں اور یوں آوارگی کی کچھ صورت نظر آئی.

روانگی سے 10 منٹ قبل کیمپس سے واپس آئے، بیگ سے رجسٹر نکالا، کوٹ اندر ٹھونسا اور بیلا کے ساتھ چھتری ٹیکتے هوئے براسته الطیبه آئس بار بس اسٹیشن پهنچے. تمام احباب سے ملاقات هوئی. کچھ نئے چهرے بھی دیکھنے کو ملے جن کا تفصیلی تعارف شهباز ارشاد نے گاڑی میں بٹھا کر الوهاب مائیک سے کروایا جو وضع قطع سے کسی عروسی لباس سے مشابه تھا. اس کی خاصیت یه تھی که اس پر خالص زرّی اور تِلّے کا کام کیا گیا تھا. بعد ازاں اِسی مائیک سے سب کا نام یاد کروانے کی رسم ادا کی گئی. جس کا فائده یه هوا که کسی کو اوئے کہہ کے بلانے کی بجائے اس کے نام سے پکارنے لگے. 

سفر میں یونهی بیٹھے بیٹھے احساس هوا که جی کچھ خراب سا هے. اچانک سر چکرانے لگا. دھڑکن تیز سے تیز تر هونے لگی. جب اچھی خاصی موت پڑنے لگی تو اچانک ڈوبتے هوئے دل نے صدا لگائی که ارے بھئی تم نے ابھی ٹریولنگ ٹو اسلام آباد کا سٹیٹس نهیں لگایا. جلدی سے سٹیٹس دیا تو کهیں جا کر طبیعت بحال هوئی اور هم کچھ سیدھے هو کر بیٹھے اور چیونگم چباتے هوئے اسلام آباد پهنچے. حفصه اور ثمینه نے پیارے پیارے بستروں کے ساتھ همارا استقبال کیا جن پر هم فوراً لم لیٹ هوگئے. مگر اس مدهوشی میں بھی فون چارجنگ پر لگانا نه بھولے. یه الگ بات هے که سوئچ کا بٹن دبانا یاد نه رها تھا. 

 جاری ہے...

رابعہ لطیف

(مشن ہولڈر پازیٹو پاکستان فیصل آباد)
https://www.facebook.com/events/2160008324228814/

الوندی - 5

فطرت کے مقاصد کی کرتا ہےنگہبانی

یا بندہ صحرائی یا مردِ کوہستانی

نیوزی لینڈ کے کوہ پیما سر ایڈمنڈ ہیلری کا کہنا ہے:
Its not the mountain we conquer, but ourselves

پہاڑ اور صحرا قدرت کے دو ایسے شہکار ہیں جو خوبصورت ہونے کے ساتھ ساتھ سخت جان بھی ہیں. 

یہ دو ایسی جگہیں ہیں جہاں انسان اپنے comfort zone سے بہت دور نکل آتا ہے..اور بہت کچھ نیا چکھتا ہے...زندگی دراصل اسی ذائقے کا نام ہے!
پازیٹو پاکستان گزشتہ چار سال سے پہاڑوں میں کیمپنگ اور لیڈرشپ ٹریننگ کے لیے "الوندی" کے نام سے ایک ایونٹ کا انعقاد کرتی آرہی ہے.

" الوند" ایران کے ایک پہاڑ کا نام ہے جسے اقبال نے اپنے بہت سے اشعار میں جرات اور عظمت کے استعارے کے طور پہ استعمال کیا ہے. اسی نسبت سے اس لیڈرشپ کیمپنگ کا نام "الوندی" رکھا گیا ہے.

الوندی تفریح اور مزاح کے ساتھ ساتھ بہت کچھ نیا اور دلچسپ سیکھنے کی جگہ ہے....

جہاں ہو گی.... ہائیکنگ...کیمپنگ....ٹریننگ....بون فائر....رنگا رنگ گیمز....دلچسپ سیشنز....ٹیم ڈیویلپمنٹ.....دلچسپ مقابلے اور مکالمے...گرما گرم چائے اور باربی کیو کے ساتھ گرما گرم مباحثے....ٹھنڈی ہوا کے جھونکوں میں ٹھنڈے میٹھے چٹکلے....اور بہت کچھ انوکھا...

آئیے...

الوندی چلیں...اس سے پہلے کہ دیر ہو جائے...

کیونکہ...
❤ Alwandi love hai ❤

سیماب عارف 
(ایمبسڈر پازیٹو پاکستان)

https://www.facebook.com/events/2160008324228814/