جنم دن کا تحفہ

اس ملک کا کچھ نہیں ہو سکتا...یہاں کا ماحول یونہی گندا رہے گا...کوئی قانون نہیں....کوئی اصول نہیں...سب لوگ کرپٹ اور بے ایمان ہیں...

میں نے گاڑی میں بیٹھے اپنے دوست کے ساتھ گرما گرم بحث کرتے ہوئے کہا..میں گاڑی ڈرائیو کررہا تھا...اور میرا دوست جوس کا ٹِن منہ کو لگائے میری بات سن رہا تھا...ٹریفک سگنل پہ گاڑی رکی...میرے دوست کا ٹِن خالی ہوا....اُس نے کار کا شیشہ نیچے کیا اور خالی ٹن پیک باہر سڑک پہ اُچھال دیا..

سگنل ابھی سبز نہیں ہوا تھا...ٹریفک سارجنٹ چوک کی دوسری سمت کھڑا تھا....میں نے ایک لمحہ اُسے دیکھا اور دھیان نہ پاکر فُل سپیڈ میں گاڑی بھگادی... 

ریڈیو پہ گانے لگے ہوئے تھے...اور آج شام ہم نے سینما میں نئی انڈین مووی دیکھنے کا پلان بنایا تھا..وہی جو ابھی آئی ہے "زیرو" مگر اتنا فلاپ بزنس کرنے کے باوجود شام 4 بجے والا ٹکٹ نہیں ملا..25 دسمبر کی چھٹی تھی...ہم دونوں ذرا آؤٹنگ کے لیے نکلے تھے...مگر یہ سالا سسٹم...اس ملک میں کچھ بھی ٹھیک نہیں ہے..

سیماب عارف

ایڈیٹر ای-میگزین اور رہبر پازیٹو پاکستان 

آپ بیتی: کان کا کیڑا

کان کا کیڑا
رات 1 بجے میری آنکھ کھلی اور جہاز کے جیسا شور سنائی دیا. غور کرنے پر اندازہ ہوا کہ یہ جہاز میرے کان کے اندر پرواز کی کوشش کر رہا ہے. پھر بڑے انہماک سے زوں کی آوازیں اور اس جہاز کی تیز حرکت کو محسوس کرنے لگی. آہستہ آہستہ یہ حرکت درد میں بدلنے لگی. میں اٹھ کے مما کے پاس گئی اور درد بھری داستان کہہ سنائی. مما نے بھائی کو جگایا کہ اسے ہسپتال کے لے جاؤ.  وقت دیکھا تو 2 بج رہے تھے. میں نے کہا یہ کوئی وقت نہیں ہے جانے کا لیکن اس جہاز کی مسلسل بڑھتی ہوئی حرکت درد کو ابھارتی. اور میں درد سے روتی اور چیختی.. مما جی کچھ کرو پلیز برداشت نہیں ہو رہا. مما نے رائے دی کہ ہسپتال نہیں جانا تو میں سرسو کا تیل ڈالتی ہوں کان کا رخ نیچے کر کے لیٹنا جو بھی بلا ہے باہر آجائے گی. میں اس سے بھی گھبرا گئی.. مما یہ ٹوٹکا وبال نہ بن جائے، تیل کے ساتھ وہ جہاز اور بھی اندر چلا گیا اور میری سماعت چلی گئی تو... اب کان میں حرکت بھی تیز ہو گئی، درد بھی بڑھ گیا، اور آنسو بھی گرنے لگے.
مما نے موبائل کی ٹارچ سے کسی ای. این. ٹی سپیشلسٹ کی طرح کان میں جھانکنا شروع کیا اورزبردستی کان میں تیل ڈالا. لیکن تیل ڈالنے سے اس کی پرواز میں حرکت اورجدوجہد میں مزید اضافہ ہوگیا. پھر میں بھی چاروناچار مما کی باقی ہدایات پر عمل کرنے لگی. اس کان کا رخ زمین کی طرف ہی تھا کہ وہ جہاز زمین پر اترتا ہوا محسوس ہوا اور جب وہ کان کی لو تک آگیا تو میں نے ڈرتے ڈرتے انگلیوں سے اسے پکڑ کر دیکھا تو وہ چیونٹے کے سائز کا سیاہ کیڑا تھا جس نے ڈھائی گھنٹے مجھے پریشان رکھا. 

کچھ دیر اور اسی حالت میں گرزتی تو شاید مجھے گمان غالب آنے لگتا کہ جیسے نمرود کی ناک میں مچھر نے گھس کر اسے بےجان کرنے کا سبب بنا تھا ویسے ہی کہیں یہ مخلوق بھی کوئی ایسا کارنامہ سر انجام نہ دے دے.
آج سارا دن کان کا درد  یہ احساس دلاتا رہا کہ انسان ایک چھوٹی سی چیز کے سامنے بےبس ہے اور نجانے غرور و تکبر کیوں کرتا پھرتا ہے.

شیریں شفیق

(ایمبسڈر پازیٹو پاکستان & سب-ایڈیٹر ای میگزین)