غزل

سنبھلنے کے لیے ٹھوکر بہت ضروری ہے...

اب اپنے رستے میں کنکر بہت ضروری ہے!

اب اس خیال کو درکار ہے کوئی پیکر

اور اس نظر کو بھی منظر بہت ضروری ہے

نہیں ضروری...یہی، صرف، بس ہی آخر میں...

فلاں، مزید و دیگر بہت ضروری ہے!!

یہ ڈھانپ لیتی ہے لوگوں کی نیتیں تک بھی...

جو سچ کہوں تو یہ چادر بہت ضروری ہے!

معاشی فکر سے بانٹوں گا تیرے دھیان کو میں...

سو بے دھیانی کو دفتر بہت ضروری ہے!

سیماب عارف

ایمبیسڈر پازیٹو پاکستان 

رودادِ کربلا، کربلا سے پوچھو

وفا کی داستان , کربلا سے پوچھو                                                 
ثابت قدمی کی مثال, کربلا سے پوچھو                                                                                                                              

 ہوتی کیا ہے ظلم کی انتہا, کربلا سے پوچھو
ظلم پہ ہوتا ہے کیسے صبروشکر ادا, کربلا سے پوچھو

کیسے اٹھیں بہتر لاشیں میدانِ کربل  سے, کربلا سے پوچھو

ذوالجنہ نے نبھایا ساتھ کیسے ,کربلا سے پوچھو                                                                                                                   

 حر کے جہنم سے جنت کا سفر, کربلا سے پوچھو                                       ننھے اصغر کی شہادت کا قصہ, کربلا سے پوچھو                                                                                                                

 چند لمحوں میں ہوتا ہے کیسے باپ بوڑھا, کربلا سے پوچھو                       بی بی زینب کی ہمت کی کہانی, کربلا سے پوچھو                                                                                                                  

 تن سے سر جدا ہوا کیسے, کربلا سے پوچھو                                            معاز کا کیا ہے رشتہ حسین سے, کربلا سے پوچھو                                                                                                                 

 کربلا حقیقت میں ہے کیا, کربلا سے پوچھو

 کس شان سے ہوا اسلام زندہ, کربلا سے پوچھو 

آ منہ ممتاز 

(ایمبیسڈر پازیٹو پاکستان، اسلام آباد)